701收料站:中資收集Sunday勁升

701收料站:中資收集Sunday勁升

芬佬一早表示今年要吼電訊科技股,睇落真係所言非虛。Sunday(866)踏入04年以來,股價一直升過不停,雖然公司多次表示不明股價升因,但強勁買盤卻一直未減。
事件在上個周末終於見到眉目,原來大陸主要電訊設備供應商華為技術,在市場上大量買入Sunday股份,家陣持有接近1.5億股,約5%權益。
經紀陳話,流動電訊市場競爭激烈,併購傳聞不時傳出,今次華為突然大手買入Sunday,實在給予投機者無限憧憬。
Sunday股價從1月份起,由0.30元開始起步,至上周五已經升至0.65元,升幅超過1倍,成交量亦一直唔細。
Sunday與華為去年底簽訂3G設備及融資協議,雙方關係相當密切。不過在上個月中,華為有位高層曾經揚言,華為會自行上市,唔會入股Sunday。點知言猶在耳,即刻公布揸咗咁多Sunday股份,情況認真耐人尋味。所以經紀陳覺得,Sunday或者會借併購傳聞炒番轉。
慕容小初