市區重建局主席劉華森嘅任期今年四月屆滿，八方日前喺一個春茗碰到佢老人家，見佢精神奕奕，真係唔似七十幾歲人。
劉華森曾經同八方講過，佢係屬於個啲永不言退嘅人，所以做到老都好高興，不過，佢今次就改咗口風，話已經同老董講明做埋呢屆唔再做，即係做到四月底，個主席位請董生另聘高明，其他公職都唔好再搵佢嘞。
八方問佢退休後嘅大計，以為佢會去旅行，環遊世界，點知佢話最近對啲雞鴨魚好有興趣，退咗會再搵啲嘢搞吓，陪佢去酒會嘅劉公子劉文瀚都話冇佢個老竇符。其實劉主席仔大女大，重使乜咁辛苦，但係做人係咁㗎啦，汝安則為之，人哋講乜何足掛齒。
（圖）七十幾歲嘅劉華森，四月離開市建局，不過佢唔會停落嚟，重諗住搵嘢搞吓。
傳真︰2623-9278
電郵︰