啱啱公開宣布離開廉政公署嘅廉署老臣子查錫我，因為早前好高調咁開咗個記者會，話自己會成立一個叫做「香港民生醫療關注組」嘅組織。好多人就竊竊私語，以為佢想搞政治。不過，「查生」噚日接受港台DJ車淑梅訪問時，笑言自己唔係政治人才，唔會因為每個月五萬蚊嘅薪津而參選議員。佢又猛話廉署好、廉署正，等人哋唔好以為佢係因為廉署有乜問題而辭職。
此外，佢又大講佢對生、死嘅感受。曾經患過肝癌的查生話，癌症一疫，令到佢睇通生死，𠵱家覺得死亡係生命嘅一部份，大家無必要咁驚，但就要珍惜眼前人。所謂生死無常，佢患上癌症，太太就照顧左右，但係到佢醫好咗，身體康復咗，太太卻離他而去，成為佢最大嘅遺憾。學嘢喇，查生想老婆「錫我」，點知夫欲錫而妻不在，真係梅姐話頭，珍惜眼前人呀。
（圖）查錫我棄廉署的高薪厚職為病人爭取權益，但不忘讚話廉署好、廉署正。
傳真︰2623-9278
電郵︰