陳四萬呢排頻頻出席慈善活動，繼早幾日嘅「愛心利是日」後，噚日又為伸手助人協會義賣曲奇，陳太出手，果然客似雲來，但唔知佢係咪冇做官一排，警覺性低咗，噚日唔少幫襯買曲奇嘅市民搵佢簽名，遞上一張張紅衫魚（一百蚊紙），陳太竟然來者不拒。
眼見簽名供不應求，陳太更加坐地起價，講到明要捐夠一百蚊先至可以索取佢大名。之後有行家問陳太知唔知喺銀紙度簽名係違法，佢就笑笑口（扮？）話唔知。死嘞，今次又多個死穴俾土共鍊住，若果陳太普選特首，到時就要小心好似長毛咁俾某啲親中嘅八卦周刊砌嚟做封面嘞。
傳真︰2623-9278
電郵︰