陳小春和趙頌茹前晚出席公開活動時，由於天氣寒冷加上不停下雨，只穿上冷衫到場的阿Yu要以射燈取暖。而小春不知是否太冷的關係，竟胡言亂語指拉登散播細菌導致禽流感出現。
陳小春、趙頌茹（阿Yu）、鄧健泓及何韻詩等，前晚齊於沙田中央公園出席「沙田節日燈飾閉幕晚會」，小春接受訪問時，透露昨日會起程到福州出席春節晚會。
問到他會否擔心感染禽流感時，小春說：「唔擔心，我今次上去點都要sell吓自己個演唱會，因為𠵱家啲自由人（指自由行旅客）都好犀利，總之我上到去唔會食雞，食雞蛋都要食熟嘅。」
其後，小春竟胡言亂語表示懷疑禽流感是由拉登散播細菌所致，他說：「我估拉登係因為唔抵得我哋經濟好，所以就散播細菌搞到有禽流感，我今晚真係要打電話同布殊傾傾。」
而問到何韻詩可知道好友盧巧音與彭敬慈的戀情時，她說：「可能我暗地做咗紅娘啦，不過佢哋話係好朋友就係好朋友啦，上朋友屋企好閒啫，佢兩個都咁瘦，而且性格又係咁猛烈，都幾襯呀，不過我真係唔知情呀。」
此外，鄧健泓指其新歌《阿琴》登上了叱咤樂壇流行榜第一位，他興奮地說：「呢次可以話係我入行咁耐第一次入到呢個榜第一位，所以我前日用DV影住個收音機報榜，女朋友都有第一時間打電話恭喜我。」
採訪：李珮洳
攝影：何國豪
