任職城市規劃師的陳梁佩珠，昨出席聖雅各福群會舉辦的「共建抗逆文化」嘉許禮時，與嘉賓們分享她去年面對的一段刻骨銘心經歷，並盼可以藉此激勵時下的年輕人：「其實遇上逆境未必唔好，如果你正面處理，反而係一個機會，由壞變好，主要睇你如何面對。」
陳梁佩珠去年第二胎懷孕時，恰好遇上「沙士疫潮」，待產期間，鄰座同事證實染上沙士。她說：「嗰陣自己好似有少少發燒，但又未證實係唔係，又驚個BB會受影響，返到屋企又唔敢掂個女，閂埋房門唔知點好。」她稱，當時很多同事、朋友都致電鼓勵自己，甚至毫不避忌地前往她家幫忙打理家務，好讓她安心待產。
但是，在愛兒陳傳望出世大半天後，陳太竟發現他有小兒先天性裂顎。「當見到傳望咁，好似天塌落嚟咁，實在太突然。」陳太一度怪責自己害了兒子，並不停懷疑是否在懷孕期間吃錯藥或嘔吐過度，以致進食不夠，令胎兒缺少營養，又或是平時承受的工作壓力太大所致。
「唔好去怪責自己，如果連你都唔接納自己，真係冇人會接納你。」朋友一句勉勵說話恍如苦海明燈，讓她以樂天的態度接受事實，更因此加入了「香港兔唇裂顎協會」做義工，以過來人身份開解其他需要面對相同情況的父母。她引述朋友的話說，「因為你係一個特別嘅父母，所以上天賜一份特別禮物畀你。」
兒子傳望將在四月接受整形手術，陳太積極面對，因而獲得「全港新晉義工」大獎。她鼓勵年輕人說：「遇上問題時，唔好唔畀人幫，有時過唔到嘅，有人幫你抹吓汗、畀你飲杯水，都會舒服好多。」
出席同一場合、任職警察機動部隊的抗逆大使曾廣標，亦曾在十二年前飛虎隊集訓的意外中，由三十呎高空墮下，右身變成永久傷殘，最後憑個人鬥志，令右邊身體恢復活動能力。他說：「世事無絕對，縱使有人同你講係冇機會，你都要嘗試去面對，同多啲人分享都可以紓緩壓力。」
本報記者