自從區議會選舉滑鐵盧，民建聯背叛江主席嘅「要更好地協助董特首施政」嘅聖旨，對董建華呼三喝四，輸咗議席嘅楊耀忠，辯論立會施政報告，竟大罵董班子，回歸後最大「失誤」，就係冇「好好為港人補愛國主義嘅一課」，言下之意，目前港人高舉「要民主不要中央干預」嘅民主大旗，係老董之錯，同土共及護法破壞中央形象冇關。
咁大頂鐵帽，老董同煲呔唔知戴唔戴得落，但民建聯始終係土共出身，土共天性就係賴得就賴。唔好忘記，嗰啲推廣基本法嘅活動，政府每年都撥款畀土共花費，民建聯同親中人馬肯定有代表參與其事。
不過，又唔怪得曾前主席俾老董激到大細超，老董的確害人害己，自己衰，累埋啲街坊，你估民建聯中人點樣形容老董，四個字：「剛愎自用」，講極都唔聽，你話幾弊，所以一啲開明左派，雖然後知後覺，都話要與老董保持距離。
傳真︰2623-9278
電郵︰