眨吓眼過完農曆新年，開心、熱鬧嘅氣氛大使仍然回味緊。不過，每年新年過後，大使都要面對兩大棘手問題，其一係體重暴增，要極速瘦身；其二係諗辦法處理堆滿一屋嘅糖果、禮盒。
大使近幾年已經不斷呼籲親朋好友，同大使拜年唔需要帶任何禮物，免得嘥錢兼浪費，但可能基於傳統習俗關係，大家依然好客氣，結果一個農曆新年之後，大使屋企就有十幾盒禮物，單係曲奇餅已經有四盒，朱古力亦有三盒，認真誇張。
為咗唔想食壞肚皮，亦唔想暴殄天物，大使近年習慣將呢啲賀年禮品捐畀啲慈善機構同團體，再由佢哋將啲食物轉送畀有需要人士，譬如單親家庭、獨居長者，人哋開心之餘，大使亦唔使愁，真係一舉兩得。
如果讀者想好似大使咁，捐出屋企嘅糖果、禮盒，不妨聯絡下列兩間機構：
（一）紅磡居民協會：九龍紅磡寶其利街113號 電話：29540803
（二）聖雅各福群會「眾善坊」：灣仔石水渠街85號1字樓105室 電話：28313232
暖流熱線
電話:29908688
傳真:23702192
電郵:
網址：