「臨終前話留番層樓畀我住」
羅文泰籍男友爆阿東迫遷

羅文的泰籍男性好友Wit，現時住在羅文於九六年購入的曼谷RegentHouse，Wit透露羅文曾口頭承諾將故居留給他和女友Jeep繼續住；但羅文過身後，其助手阿東和張徹太太曾到曼谷趕他們離開。

羅文前年十月病逝，一生之中羅文曾有三個男性知己，除了助手阿東和前助手Terry外，還有泰籍朋友Wit（一度誤傳是Week），三人都在羅文彌留時陪伴在側，讓羅文含笑而去。
現時Wit和女友Jeep住在羅文生前購入位於曼谷RegentHotel旁的RegentHouse寓所，是全曼谷最貴的地段，羅文九六年購入時約八百多萬泰銖（約一百六十萬港元）。
Wit日前在寓所接受本報記者訪問，屋內的擺設和羅文生前無異，Wit並透露羅文過身後，阿東和張徹太太曾到曼谷欲趕他離開。

換鎖有家歸不得
Wit以不太流利的英語說：「我女友Jeep係羅文生前嘅家務助理，我透過女友識得羅文，做咗好朋友，以朋友性質幫羅文做嘢，並冇收錢，我亦唔係助手。羅文過身前，曾經同我哋講過佢嘅病，亦話層樓會留畀我哋住。佢彌留時我去咗香港，佢亦喺班朋友面前講咗間屋會留畀我哋住。佢過身冇耐，阿東同Amy（張徹太太）嚟過，態度好惡劣咁要我哋即刻搬走。」
Wit續說：「我女朋友聽到之後即刻喊，佢哋重要趁我哋唔喺屋企，搵人換咗間屋嘅鎖，等我哋有家歸不得。我哋兩個係南部人，曼谷啲租咁貴，冇地方住就好慘，好在管理員認得我哋，我哋又有住客證，先畀我哋搵人開鎖再換過把鎖。」

獲羅文姊姊照應
Wit表示和羅文的姊姊一直有聯絡，他說：「雖然羅文有口頭承諾話間屋留畀我哋，但係冇白紙黑字，我好明白。羅文家姐對我哋好好，我哋一直有聯絡，間屋應該係屬於佢嘅，我有叫過佢哋嚟搞埋啲手續，但係佢哋話唔得閒嚟住，佢亦有邀請我去廣州，但係我收入唔高，冇錢過去。」
採訪、攝影：何永寧