容祖兒（Joey）和許志安等人昨日冒雨出席於銅鑼灣舉行的馬拉松音樂會。因工作忙碌與男友常以「神交」溝通的Joey，情人節當日亦要工作，但她表示已想到一份好禮物。Joey說：「上年我整咗曲奇餅，今年想整生炒骨，呢樣係我撚手小菜，有信心可以加到分。」
而安仔接受訪問時，最初平常地談到他早前在日本欲買一雙舊波鞋，但即使出高價對方仍不肯割愛，其後有人問他對所愛的女人是否也肯一擲千金？安仔即臉色一沉，然後多次強調自己是單身，似有意與鄭秀文劃清界線。
安仔嚴肅地說：「今年我冇情人節，○四年我諗咗好多嘢，發現自己感情生活成日活喺人哋眼光中，但事實我最清楚，唔想啲報道拉埋我哋嚟講，不如自己講，我𠵱家係單身。」
採訪：王連連 攝影：何國豪