陳小春和蔡一傑前晚錄影無綫節目《勁歌金曲》，小春透露於月底舉行的個唱中，會穿着龍袍扮皇帝。其緋聞女友張栢芝去年一擲八萬元購買二百張演唱會門券捧他場，他表示今次會送門券給栢芝任睇。
陳小春、蔡一傑、陳冠希（Edison）和王傑等，前晚往將軍澳電視廣播城錄影《勁歌金曲》。小春將於本月底舉行兩場演唱會，他前晚透露會邀請舊拍檔謝天華和朱永棠在台上重組風火海，及邀請草蜢任嘉賓。
小春接受訪問時透露，為個唱感到很大壓力，去年他開演唱會時，緋聞女友張栢芝一擲八萬元購下二百張門券捧場，不知今年會否一樣？小春說：「唔知喎，佢唔使買飛啦，幾多人嚟睇我送畀佢，睇一場都夠，已經好多嘢睇。」
小春又透露個唱內會穿着一件摩登龍袍扮皇帝，現正斟洽蔡一傑反串做皇后，小春說：「我會着件摩登龍袍，想搵個男人反串做皇后，我同蔡一傑傾過，佢好有誠意想做，但唔多想扮女人，或者皇后可以中性啲，妖妖地就得，啲衫好新穎，露背之餘重有bra帶㗎。」
蔡一傑說：「我冇拒絕小春，我哋識咗十幾年，𠵱家佢咁有成績，我都好想做佢嘉賓。」問傑仔是否不欲扮女人？他說：「做騷冇所謂嘅，我同佢都係姣得起，妖得起。」甚有當年羅文的影子。
此外，Edison前晚接受訪問時，提到日前他接受各電視台訪問，談到感情問題時表現甚不客氣，因此有線不播其MV杯葛他，Edison說：「我對所有傳媒都一樣，唔覺有乜唔妥，我唔想講嘅嘢唔可以迫我，我同無綫有合約，唔可以做有線訪問，佢哋用唔同咪牌嚟問嘢，我都唔知邊間打邊間。」
採訪：王連連
攝影：陳烱威
