貿發局日前請春茗，總裁施祖祥臨別秋波，當然有啲唔捨得，佢之前講過退下就唔會開咪或寫專欄，但係公職繼續做。
好似公務員敍用委員會份差事，佢剛剛應承做，因為以前做過公務員事務局嘅阿頭，所以自願為啲弟兄做吓嘢；ICAC審查貪污舉報諮詢委員會亦係新接任冇幾耐；本來想推旅發局，但係周梁唔肯放人，冇法子。
最有趣係佢請纓做浸會大學校董，幫佢哋睇人手編制問題，「有啲大學唔使我幫，咪幫浸會囉。」
施兄做咗貿發局，對食物更有研究，退休後諗過做私房菜，八方問佢會唔會就政改出嚟作吓證，佢耍手兼擰頭，與肥彭一起嘅日子「俱往矣！」
施公一早買咗間南灣豪宅，佢自嘲當日升咗一倍價錢冇賣，否則一早可退休唔使捱。
至於佢嘅接任大熱人選林天福，最近就置咗業，看好樓市乎？
傳真︰2623-9278
電郵︰