藝人為增加「本錢」,有些會選擇整容,究竟整容對於運程可有影響?堪輿學家麥玲玲(圖)昨日接受本報訪問時表示,每個人都有自己的命格,整容不會令運程變好,相反還可能會破相。麥玲玲說:「男士個鼻喺玄學上係財星,但整容對運程幫助有限,道理就等如整咗成龍嘅鼻,唔代表就有佢咁好運,人係跟番自己嘅命格。做藝人嘅,整容頂多係對觀眾緣有改善,等人睇得順眼啲,鼻高鼻直嘅人有人緣,桃花會旺啲,但整容亦算係破相,男人鼻部主四十一歲至五十歲嘅運程,整咗步入四十一至四十三歲,運程會有反覆。」 採訪:張止寒