日前郭羨妮被傳與男友溫兆倫的感情現危機，她昨日堅決否認，並透露溫兆倫曾向她求婚，只是她自覺未到結婚年齡，故才「要佢等吓先」。問郭羨妮可有視溫兆倫為結婚對象，她說：「我每次拍拖都會視對方為結婚對象，但最終係咪就好難講」，對婚事明顯有所保留。
郭羨妮、鄭希怡（Yumiko）、周汶錡、楊崢、張燊悅和Cookies前晚在愉景灣海澄湖畔出席香水品牌IslandKiss的宣傳活動。郭羨妮和張燊悅獲頒「魅力大獎」，張燊悅更奪得「活力大獎」。大會特別炮製巨型愛心慈善卡，集齊眾星的簽名和唇印，稍後會用作慈善拍賣。
郭羨妮日前被傳跟男友溫兆倫分手，她昨日否認說：「其實都唔知係第幾次咁傳，次次回應都重複，好無聊。我過年冇去佢屋企拜年，但有打電話，亦收咗佢媽咪嘅利是，佢就有同我媽咪食飯，過年有三日休息，我主要喺屋企瞓，因為拍劇好攰。」
前日是元宵佳節，郭羨妮透露溫兆倫身在內地，情人節將至，郭羨妮表示當日要開工，但現在仍未想到買甚麼禮物給男友，亦未收到對方的禮物。
溫兆倫曾表示一早已準備好結婚，對此郭羨妮說：「咁就要佢等吓先，我重想拍多啲好戲。」問溫兆倫可有向她求過婚，郭羨妮說：「以前有，不過𠵱家唔好講呢啲，我諗住三十幾歲先結婚，重有一段時間。」
問她可有視溫兆倫為結婚對象，郭羨妮說：「我每次拍拖都會視對方為結婚對象，但係最終係咪就好難講。」
郭羨妮還說：「我知有好多人想我哋散，但我唔會，經歷過今次，我哋感情反而更好。」
此外，郭羨妮昨日出席無綫劇集《天涯俠醫》造型，然後便出發和男友溫兆倫一起到大西洋城登台，兩人會合唱《野孩子》，郭羨妮透露自己鋼琴已有八級，十五歲已開始教琴。
採訪：王崇穎、卓美娟
