陳四萬雖然退隱江湖多時，但仍然好受人愛戴，佢噚日出席救世軍同港台合辦嘅「愛心利是日」籌款活動，唔少學生哥猛咁嗌「陳太、陳太」，原來大家都想將封利是，擺喺陳太個捐款箱度；其中一個小學生重追住陳太問：「點解你唔做政務司司長呀，我好鍾意你㗎。」陳太隨即露出「四萬笑容」，同㷛呔曾講好話，「𠵱家政務司司長係曾蔭權，佢都做得好好㗎。」不過個細路仍不斷話：「我都係鍾意你多啲。」真係冧晒。
話時話，早排先傳出陳太組黨再戰江湖嘅消息，𠵱家佢見到自己仍然咁受歡迎，唔知呢個傳聞，有冇機會變為事實。
（圖）陳太收集利是，反應踴躍，有學生仔重猛問陳太點解唔做政務司司長。
盧文烈攝
傳真︰2623-9278
電郵︰