蒙嘉慧前晚於柴灣為內地某服裝品牌拍攝硬照廣告，在只得約十度的天氣下，她要着上○四年春夏新裝，難怪頻呼好凍，要出動暖爐及暖風機。
蒙嘉慧的經理人公司老闆前晚亦特地前往探班，還大派利是，她接過利是後仍笑着說：「我都識你老婆㗎喎！」結果蒙嘉慧順利討多一封利是，而她其後亦送上朱古力作回禮。
蒙嘉慧透露前晚是過年後首度開工，農曆新年期間她多數留在家中與友人開賭，問她有否發新年財，蒙嘉慧說：「畀人發就有！我新年食好多嘢，食到肚腩都肥晒，要狂玩呼拉圈減呀。」蒙嘉慧又謂今次酬勞相當滿意，扣除新年輸掉的錢還剩很多，她說：「拍就辛苦啲囉，拍咗十幾個鐘，又咁凍，拍服裝廣告次次都要反轉，上次夏天就着冬天衫，好熱㗎，𠵱家冬天着夏天衫。」
採訪、攝影：卓美娟