藍潔瑛早前因精神問題入住東區醫院，經治療後情況好轉，日前她已經出院。昨日藍潔瑛自出院後首度出席公開場合會見傳媒，她的情緒看來已穩定不少，不過監製楊紹雄透露，藍潔瑛似乎十分擔心新劇角色會被飛起。
亞視劇集《愛在有情天》昨日在尖沙嘴舉行新春團拜，有份主演的藍潔瑛應亞視助理製作總監兼該劇監製楊紹雄邀請出席，不過她到場之後一直逗留在房間休息，直至楊紹雄請她上台講話時才現身。
藍潔瑛早前因精神問題入住東區醫院，經治療後已出院，並遷出西貢住所，到友人的家中暫住。昨日她站在台上說：「好多謝由出道到𠵱家，傳媒對我嘅關心、錯愛，我身體精神逐漸康復之中，多謝大家。我好開心同多謝楊紹雄支持同鼓勵、畀我信心，幫我同傳媒講嘉許說話。呢組戲嘅演員畀我默默支持鼓勵，雖然冇講太多嘢，真心覺得，我好感激佢哋，其他嘢唔講太多，希望傳媒同記者朋友畀多啲私人空間我，對我身體、精神方面幫助好大。」
藍潔瑛隨後與李香琴及陳秀雯等同劇演員拍攝大合照，琴姐給她一封寫滿祝福語的五百元利是，兩人還數度擁抱，場面溫韾。
藍潔瑛昨日逗留了個多小時才離開，問她是否出售西貢住所，她即說：「都話畀多啲私人空間我囉！頭先喺台上講你又唔聽。」
提到藍潔瑛現時的情況，監製楊紹雄說：「佢（指藍潔瑛）問過醫生意見至出嚟，之前有同佢傾過，佢好擔心新劇《我和殭屍有個約會3》會飛佢，但佢個角色情緒幾複雜，佢話佢冇問題，我話有問題，唔想影響到佢情況，到時睇吓點。」
此外，李香琴說：「同藍潔瑛有對手戲，佢有啲精神唔好，但有時又好精靈，上次萬梓良嚟探班，佢又識企前排影相，重唔肯讓位。」
採訪、攝影：魯萍
