一個國家一旦共產，就好似沙士咁，醫番都冇用，例如越南，零舍多白色恐怖，八方同事前日造訪爆出禽流感人傳人疑案嘅太平省，大清早八點鐘去到，一啲都唔太平，已經有架公安車擺咗喺度恭候。
咁啱遇到無綫採訪隊，正躊躇緊點樣跟進，TVB嘅越南繙譯先生面青青咁走過嚟，話啲村民報串有來自香港嘅特務嚟咗，通知埋公安，叫記者快啲散水，否則後果自負。
呢位越南繙譯由太平省驚到河內，佢話共產黨徒十分恐怖，佢自己有老婆仔女，唔想惹禍上身，講完就咁走咗去，寧願唔賺外快，唔敢再撈。睇嚟共產黨嘅恐怖威脅力，勁過禽流感好多喎。
傳真︰2623-9278
電郵︰