由米路吉遜（MelGibson）執導嘅《ThePassionoftheChrist》，自從兩年前計劃籌拍開始，一直承受各方宗教嘅壓力，而最終呢部講述耶穌喺人間最後十二個鐘頭嘅電影，已經安排咗喺二十五號全美上映。
米路今次就跟足聖經嘅新約去拍，而且全部片重好破格咁講阿拉姆語（耶穌嘅語言）同拉丁文。扮演耶穌嘅男星占士卡維素（JamesCaviezel）本身係虔誠天主教徒，而曾被耶穌趕走身上七隻魔鬼嘅瑪利亞瑪達肋納，就由莫妮卡貝露絲（MonicaBellucci）飾演。
呢部戲一直有好多是非，據知占士拍攝期間重俾閃電劈中，真係話唔驚就假。
而早排睇過優先場嘅猶太人組織就批評部戲會引導觀眾認為耶穌受難係猶太人所致，分分鐘會出現反猶太人情況喎。電影公司話教宗若望保祿二世都讚部戲照足史實拍，但係教會方面又即刻否認。我羅拉都唔知邊個真邊個假喇。