繼DVD機之後，電腦音效系統都逐步走入5.1聲道潮流！基本上𠵱家新出嘅電腦底板，都有支援5.1聲效的能力！如果你都想加入呢股新潮流，日本BANDAI在2月底新出呢套LITTLEJAMMER5.1喇叭系統就要加緊留意！ 記者：朱崇德
呢套環迴喇叭基本音效輸出達200Ｗ以上，最別致係5隻衛星喇叭，分別裝有鋼琴、大提琴、色士風、結他和鼓嘅音樂家Q版公仔，佢哋一偵測到電腦播放音效，就全部都會隨住音樂「聞歌起舞」，個個郁身郁勢，相當之得意盞鬼！此外，Sub-Woofer上還有一個RAM卡插位，跟機重送一張記錄有25首經典英文金曲的記憶卡，好似《IMAGINE》、《WhataWonderfulWorld》等老歌，唔使駁電腦都可以馬上有得聽，重有一堆音樂家搖頭擺腦和唱，當真是另類享受！
相關網址：
