機管局噚晚喺君悅舉行新春酒會，邀請各方好友到場，除咗有航空界代表如國泰主席何禮泰、港龍行政總裁許漢忠之外，其他生意夥伴，好似新地副主席郭炳聯、嘉華主席呂志和、信置主席黃志祥、羅嘉瑞、羅康瑞、羅旭瑞三兄弟，就連蘇澤光及張永霖兩位新舊電盈高層都畀面出席。財經事務及庫務局局長馬時亨更走三場，分別出席證券經紀業協會、中聯辦及機管局嘅春茗，非常頻撲。
講開又講，今年可能係何禮泰最後一次參加機管局春茗，事關佢話打算年底退休，返英國老家。
（圖）馬時亨（右）喺證券經紀業協會酒會上同立法會議員胡經昌有講有笑。
傳真︰2623-9278
電郵︰