價廉物美嘅流動式WebCam，大有愈出愈勁之勢，有齊影相、拍片、錄音同視像鏡頭功能，往往都只係幾百蚊有交易，絕對係入門級人士試機首選。 記者：徐影龍
LifeCam就新推出咗一款Slim3200，照樣係以多合一功能作賣點。首先係相片輸出解像度達到310萬像素，亦設有平價機中較少見嘅1.5”彩芒，以及四倍數碼變焦效果，影相擺構圖更為得心應手，再加埋無時間限制嘅有聲動畫功能（按記憶卡容量而定），規格上的確幾吸引。
機身設計頗為小巧別致，備有四種顏色供選購，包括宇宙藍、少女紅、火樹紅同激光銀四種顏色，潮人買嚟襯衫都得。而重量更只有80克，細細部又夠輕巧，放喺衫袋褲袋拎出街都咁方便，最啱周街影SnapShot之用。機上設有SD/MMC插槽，作擴充記憶體之用，唔怕靚相太多放唔晒，又或將Slim3200當係SD/MMC讀卡器都得，實行一機多用。
查詢電話：26191218