Game市由聖誕之後，足足靜咗成個幾月，好多機迷都餓咗正Game好耐，好彩到二月中旬開始陸陸續續有大作推出。講到最矚目，梗係CAPCOM喺2月26日推出嘅王牌解謎動作Game《鬼武者3》喇，好多Game舖近排生意淡靜，都希望《鬼武者3》能帶番旺個市。日本方面，廠方會製作一批《MakingOf鬼武者3》製作特輯畀預訂嘅機迷，入面收錄兩大主角金城武同尚連奴嘅真情對話，以及大量遊戲製作情報，總長度達50分鐘，絕對係Fans必儲！雖然未知香港行貨會唔會同樣送製作特輯DVD，不過據知香港CAPCOM屆時另有好多相關活動，本版會陸續跟進報道詳情，機迷請留意。
記者：徐影龍
官方網站：