賓利汽車（Bentley）繼早前推出全新ContinentalGT轎跑車，而備受車迷追捧後，最近外國方面傳來消息，話廠方現正計劃推出一款全新嘅四門房車，並有望於明年春季隆重登場。
雖然從預想圖中可以睇到，呢款全新四門豪華房車嘅賣相，與現有熱賣中嘅ContinentalGT相近，而且不少配搭都係以後者為設計平台，但名稱方面卻可能會定名為ContinentalSaloon，不過仍有待廠方公布更多關於此車嘅消息，方可作實；然而，機械配搭亦會與後者相近，同樣係以一台能輸出552匹馬力嘅W12引擎作核心，性能表現可謂毋庸置疑。
另外，該消息又指新車嘅軸距會比ContinentalGT多出200mm，加上前後兩排承托力甚豐嘅高級皮椅，以及齊全設備配搭，乘坐可謂既舒適又愜意。未知身處香港嘅車迷，有無機會與之見面呢？