你有冇唔要嘅電器想換呢？有就啱啦。八方知道中電搞咗個「用完不棄，圓一個願」嘅舊電器回收行動，無論你件電器幾舊都好，甚至乎壞咗都冇問題，只要你攞去中電指定嘅客戶服務中心，中電就會透過聖雅各福群會轉贈有需要人士。喺農曆新年寒流襲港期間，聖雅各福群會總共送出過百台暖風機。
做善事當然會有好回報啦！如果捐贈者帶埋中電嘅電費單去捐贈電器，就會即場獲贈五十蚊優惠券，畀你喺中電客戶服務中心選購心水電器，重有一次抽獎機會㖭。雖然好多市民可能唔係中電嘅客仔，但做善事唔應該計較咁多，有唔要嘅電器就快啲喺下月二十七日前行動啦！
（圖）中電舉辦「用完不棄，圓一個願」舊電器回收行動，有用嘅電器會透過聖雅各福群會轉贈有需要人士。
傳真︰2623-9278
電郵︰