容祖兒（Joey）、女子組合2R和Cookies等，昨日在沙田出席港台「第七屆粵港澳普通話大賽」揭幕禮，Joey更被大會委任為「粵港澳普通話大使」。
近日Joey跟偶像劉青雲拍攝新片《身嬌玉貴》，問她二人做對手戲時，可會暈大浪，Joey說：「我係專業演員，會將愛慕之心拋諸腦後。呢套戲多數拍早班，我試過有一日一口氣瞓咗十五個鐘，瞓到死咗。」Joey表示青雲有給她利是，她說：「我同佢拍戲講對白因為太緊張，試過硬晒，好似講急口令，不過我哋冇親熱戲。」
至於Joey日前被癡情歌迷寄護照要求私奔，她說：「佢成日寄信話去完活動見到我對佢笑，又稱呼我『陳容祖兒』。」
此外，2R農曆新年時去了南非旅行，所以不知道環球前高層陳少寶被廉署起訴，2R說：「新年都有傳短訊畀佢，我哋會打電話畀佢，公司都冇同我哋講過。」
Cookies玩遊戲時則以普通話大講賀年說話，結果成員Miki把大鵬展翅的「展」說成「剪」音，烏龍百出。
採訪：駱華齡
攝影：陳慧安
