舊年離任積金局行政總裁嘅「橋王」許仕仁，自離開後一直未見動靜，更經常呢度去嗰度去，睇文藝表演，但市場經常流傳佢埋某大財團堆，事件噚日終於揭盅。原來許橋王加盟陳祖澤主理、新地係大股東嘅九巴做董事，兼埋九巴旗下龍運巴士嘅董事，任期由二月開始。
老許做巴士，亦算老本行，因為九二至九五年期間，佢曾任運輸署長，同當時已轉職九巴嘅陳祖澤交手，同時，佢應付過其間出現嘅葵涌大塞車，最後搞得好成功，今次重彈舊調搞返運輸公司，相信對佢冇乜難度。
不過，近期九巴削員工福利，幾乎搞到罷工咁滯，當時九巴講自己有好大局限，相信橋王要度一啲好橋幫九巴股東創富至掂。
傳真︰2623-9278
電郵︰