上個星期，亞Mark提過今年市況向好，有唔少汽車代理商正積極部署各項計劃，期望會有好嘅回報嘛！當中，手執德國歐寶及瑞典紳寶汽車代理權嘅福方集團，意向可謂至積極，除咗搵嚟昔日標致營業經理JamesCheung，出掌歐寶嘅日常營運工作外，身為總舵手嘅FelixHui亦不遺餘力，早陣子重落實增闢陳列室，唔單止替歐寶找來舊有現代汽車，位處灣仔告士打道Showroom舊址，作另一個銷售點；同時間Felix重要埋原屬現代、位處九龍窩打老道嘅Showroom，作為紳寶踏足九龍區另一個銷售嘅根據地。若然計劃進展順利的話，相信響今個月底前，本地車迷又會有多兩個睇車嘅聚腳點喇！
除咗亞Mark早前話過，歐寶會有全新Astra車系抵港之外，紳寶部至啱優皮一族嘅全新9-3開篷跑車，亦有望繼後登場㗎！有興趣嘅車迷就真係要留意喇！