近年，保時捷車廠（Porsche）在港嘅業績可謂十分理想，除咗與新推出嘅Cayenne等車系，廣受車迷追捧有關外，身為幕後功臣嘅貝迪臣先生（LarsPetersen），亦可謂功不可沒。
不過，由於貝迪臣先生獲委派到上海成立新保時捷中國分銷總部，負責全中國業務發展嘅關係，故有關方面宣布委任羅彼．倪爾門先生（RobbyNiermann）（小圖），出任香港及澳門保時捷中心總經理一職。佢曾於德國保時捷總廠及新加坡嘅亞太區保時捷中心任職外，而且亦曾負責處理多項市場推廣業務，當中包括籌辦於2003年舉行嘅保時捷CarreraCupAsia賽事㖭！故此由羅彼．倪爾門先生出任香港及澳門保時捷中心總經理一職，實在係當之無愧呢！