踏入猴年，政改如箭在弦，中央不但不會坐視不理，聽講已經有大批人馬殺到嚟，親自收料，舊年年廿二，港區人大政協浩浩蕩蕩上咗珠海，話就係為三月人大做準備，滙報國內情況，其實都係打個招呼，之後一過咗農曆年，陳啟宗喺年初五就急不及待宣布成立一個乜嘢九唔搭八嘅香港發展論壇，啲成員之前未開過會碰過頭。陳啟宗重歡迎有錢佬同司機順嫂參加，會費一律五十元，真係唔知搞邊科。
點都好，北京唔放過任何統戰機會，統戰部部長劉延東噚日專程去到深圳親自頒發乜嘢「中海外聯誼會港澳名譽理事證書」畀六十位已經退下火線，冇得再做人大政協嘅老親中，包括徐四民、黃保欣、胡仙、李福善、利漢釗、楊光，連廖子明都有份，真係永不落空。
傳真︰2623-9278
電郵︰