合約惹風波　舊主遭起訴
Juno祈陳少寶平安無事

廉政公署上月落案起訴環球唱片前高層陳少寶涉嫌受賄七十多萬，作為協助麥浚龍（Juno）更改合約以及轉讓旗下歌曲版權予一卡拉OK公司的報酬。Juno前晚對此表示自己只會負責幕前工作，其他不會過問。

麥浚龍、鄭希怡、吳浩康、薛家燕（好姨）和古巨基等，前晚在西營盤出席新城「中西區甲申元宵嘉年華」，最高峯時有四千人圍觀，大會為控制人流，在好姨演唱完後，節目一度停止十分鐘。
廉政公署自「舞影行動」後，上月落案起訴環球唱片前高層陳少寶涉嫌受賄七十多萬，以作為協助Juno更改合約和轉讓旗下歌曲版權予卡拉OK公司的報酬。而久違了的Juno前晚自陳少寶被起訴後首度公開亮相，並現場演繹兩首新歌。

「冇能力做到乜」
問Juno有關陳少寶被廉署起訴一事，他說：「我唔想太麻煩少寶，識唔識嘅朋友都唔想佢有事，我知道嘅詳情都唔會比你（指傳媒）多，其實我唔係好知份合約，但唔可以話身不由己，藝人係負責幕前，公司有嘢會講，我冇乜能力可以做到啲乜，我都冇聯絡過少寶。」
控罪指陳少寶涉嫌向杜傑豪索取賄款，作為他批准更改Juno與環球的合約關係，並加快終止環球與Juno及MellowStudioLimited之間的藝人合約的報酬。報道指杜傑豪是Juno的經理人，但Juno被問到可認識此人時，他說：「未聽過佢個名。」

「自己唔會過問」
問Juno以後可會了解清楚自己的合約，他說：「公司要同我講，自然會同我講，自己唔會過問，我好多嘢做，唔想咁多負面新聞。」
採訪：胡比
攝影：黃文成