立法會議員蔡素玉噚日招呼八方同班行家去佢屋企團拜，有好多傳統福建美食招待，由蔡老太親自下廚。
蔡小姐好高興咁將佢阿媽八十歲大壽時嘅賀禮金飾騷畀記者睇。講兩講，𠵱家重係獨身嘅蔡素玉禁不住向記者笑談當年情，話喺港大嘅時候都有好多靚仔追佢，但係自己當時好左，「我成日掛住搞學生活動，好信共產黨嗰一套，覺得拍拖充滿小資色彩，所以好抗拒。」
蔡小姐原來就係被呢啲「小資產階級玩意」害死，後嚟敵不過愛情魔力同個志同道合嘅同學拍拖，但係一直好內疚，覺得背叛自己嘅理想，差唔多要寫懺情錄，最後梗係開唔到花啦。
問蔡素玉今年參唔參選，佢竟然嚡一聲，話民建聯咁大嘅黨，但係總未有決定，又話自己屬虎，今年沖太歲，所以一定要去拜一拜神。
傳真︰2623-9278
電郵︰