新年雖未過，但相信大家已經𢭃晒利是、過晒節癮。歡度過後的同時，有冇發現屋企都多了很多新春花卉──的殘枝？年年係咁丟都覺得好浪費，不如齊齊響應環保，花心思利用樹枝去製作一些非一般的精緻擺設。佢哋唔單止睇得，重非常實用，相信會成為你2004年屋企裏一件最具特色嘅環保擺設㖭！
記者：吳嘉怡 攝影：陳智良
新年除咗桃花外，當然唔少得呢種充滿意頭嘅荷蘭富貴花。佢最特別之處，除咗紅紅嘅果實外，就係樹幹特別粗大，最適合用來做一個又實用又穩陣嘅袖珍木架，任你放甚麼也可以，以後唔使再怕家中雜物要四海為家啦！
材料
小釘子 16枚$4
海綿膠條 2塊$10
整枝剪刀 1把
鎚仔 1把
荷蘭富貴花
步驟
小秘技
想釘子牢牢地釘入樹幹內，進行前先以原子筆確定位置，然後再正式用鎚仔把釘子打入樹幹內；此外當海綿膠黐實在樹幹上，最好再用手壓實，令海綿膠與樹幹更加貼服穩固。
樹枝嘅可塑性可說非常之高，除咗可以做層架之外，一啲無咁粗嘅樹幹，就可用繩紮住，成為一個能登大雅之堂兼獨一無二嘅相架。加埋你心愛嘅相片、又或夾上留言Memo，將之放在枱頭或牆壁當眼處，為一室添上自然的原始味！
材料
麻繩 1卷$6
木衣夾 數個$10
整枝剪刀 1把
串串金及乾花
步驟
小秘技
要穩固相架的外框，緊記用繩索以交叉方式綁結，以便相架框更加紮實及耐用。
新年自然唔少得桃花，而桃花嘅樹枝一般較上面介紹嘅兩種為幼，所以唔適宜做層架等用途，反之用來作表面裝飾就最啱Key！
材料
玻璃樽 1個$10
熱溶槍 1支$30
絲帶 $25/卷
桃花
步驟
小秘技
由於熱溶槍為一有熱力的膠水，所以緊記塗後要立即把樹枝放上，因為當膠水放涼一會後，便會很快凝固，到時便不能把樹枝黐實在玻璃樽上。
