內地多個省份都爆發禽流感，政府為咗防患於未然，上星期宣布暫停入口內地活家禽，不論雞、鴨，或者鵝，相信大家都有一排無得食。中環老店鏞記嘅燒鵝一向馳名，唔少人噚日都希望把握最後機會，一嘗所餘無幾嘅名菜。
八方噚晚就喺鏞記撞到前規劃地政局局長蕭炯柱，佢同一班內地朋友訂咗廂房晚膳。八方梗係問吓佢係咪嚟食燒鵝，佢就大賣關子話「你可以咁講嘅。」不過，蕭炯柱都不忘叫大家唔使擔心，一齊期盼禽流感快啲過去。
（圖）蕭炯柱兩夫婦咁鍾意食燒鵝，唔怪得睇落發咗少少福。
傳真︰2623-9278
電郵︰