早陣子，法國標致新代理，以全新至頂級嘅206GTI180型號作頭炮，重新打入香港市場之後，一如佢哋新揸Fit人DamianYip所講，2004年新版嘅206XT，亦快將於今個月中旬抵埗。據亞Mark所知，新車仍以1.4公升及1.6公升偈作主力外，新車重換裝上新款頭、尾車燈，以及時款14吋合金跑車胎軨，而車廂用料配搭亦有改良㗎！不過，最大改動莫過於新版提升乘客嘅安全性，新增為6個安全氣袋裝置，還有4前速半自動波組合㗎！當然少不了重有同級車罕有嘅天幕式玻璃車頂配搭啦！
至於車價方面，由於歐元滙價高企關係，全新1.4公升版本會賣$139,900，而1.6公升版則售$159,900。若然各位係標致或206嘅Fans的話，就要留意住新車嘅到港日期，跟住落陳列室睇吓車喇！