近年推出多款新車，而備受車迷注視嘅日本豐田汽車，喺早前假美國底特律舉行嘅北美國際車展（NorthAmericanInternationalAutoShow）上，除展出咗惹人注目嘅凌志全新GS系列，同埋RX400h環保SUV外，同場亦展出咗一部概念Pick-up，並被定名為FTX㖭！
驟眼望去，呢款名為FTX嘅概念Pick-up與現行其他同類型車款相類似，但細心留意下，不難察覺到此車除有一個極具CyberFeel嘅車首造型外，另外重有一套達22吋嘅大口徑胎軨組合，從而顯現出部車本身嘅一份獨特個性。然而，就打開車門所見，FTX嘅車廂鋪排就更見吸引，不但用上鮮豔嘅顏色作配襯外，設備配搭又齊全，加上車廂空間又見寬敞闊落，除可乘坐四名乘客之外，車廂設備鋪排亦好有一份前衞感，絕對稱得上係既獨特又吸引㗎！
引擎配搭方面，廠方就特意為其換裝上一台大容積嘅V8引擎，並附以Hybrid系統，雖然廠方未有公布有關輸出數值嘅資料，但相信其動力輸出及耗油量，會比現行車款更出色呢！