本周五（六日）千嬅將於紅館舉行個唱，之前兩次演唱會，外界均質疑她的唱功，所以從上年開始，她下了很大決心要練好唱功。
千嬅滿有信心說：「為咗加強自己唱live嘅技巧，我其實一直有跟唱歌老師練習，無論有幾忙，我都冇停過學唱歌，寧願瞓少啲，我希望所有入場嘅歌迷都可以睇得好滿意咁離開。」
除了個唱外，今年千嬅計劃演出三部電影，自從成為賣座女王後，她的片約不絕，但她不想濫拍，除了喜劇外，她很希望可以拍其他類型的片種，擴闊戲路，她說：「上年我好開心可以拍到《地下鐵》呢部戲，因為呢部唔係喜劇都可以收過千萬，對我嚟講已經係好大鼓舞，亦都證明我係有能力演好非喜劇類型嘅片種，問題在於導演肯唔肯畀機會我試。」
撰文：陳月媚 攝影：仇志德