千嬅去年一擲三千多萬元購入赤柱富豪海灣豪宅，新居現正裝修，預計年底可以入伙，雖然該豪宅目前已升值了五百萬，更有買家要求千嬅割愛，但她因覺得房子風水好，父母又喜歡，所以不肯出讓。
購入幾千萬豪宅，對千嬅來說是一個頗大的擔子，不過她一直渴望有一個理想的居所，可以與父母同住，所以將自己現有的千餘萬積蓄，全部投資在此房子上。為了盡早付清供樓餘款，千嬅由去年中已開始努力𢱑銀，可能因為工作太忙，壓力太大，所以她很容易鬧情緒，更喜歡突然玩失蹤，就算身邊人不斷向她發出「奪命追魂call」，千嬅亦一於少理，因她可能已乘飛機避靜去了。
千嬅說：「記得幾個月前拍緊幾部戲，個人真係忙到情緒低落，咁啱有部戲甩期，我可以有兩日假，咁我咪粒聲唔出走咗去英國，喺飛機度睇咗部好感人嘅戲，我係咁喊，將啲壓力係咁發洩出嚟，個人就舒服好多。」
對很多人來說，坐長途機是苦事，但偏偏千嬅就有鋪坐飛機癮，她說：「可能大家唔知我係好鍾意搭飛機，每次一離開赤鱲角機場，我就會好開心，啲壓力會突然消失，呢個係我減壓嘅最佳方法。」