本地時裝設計師馬偉明近年時裝店生意慘淡，曾因欠租幾十萬元，被業主告上法庭，昨日又遭中銀香港入稟高等法院，追討欠款，連尖沙嘴漆咸道南的抵押物業，亦要交回。
涉案物業位於漆咸道南百利商業中心地下一間時裝店，但昨日沒有開舖營業。根據入稟狀，該地舖於九九年七月，由馬偉明及其馬偉明有限公司，抵押予國華銀行（已跟中銀合併）借貸，中銀要求馬偉明及其公司償還欠款，並要求沒收抵押的地舖。
馬偉明昨日接受電話訪問時表示未收到入稟詳情，他說：「未收到通知喎，嗰度係我自己嘅物業，不過呢啲嘢我一向好少理，公司負責，我係最後一個先知。」
對於有指是單位按揭出現問題，而遭中銀追數，馬偉明說：「可能放咗假所以冇供款，應該都係冇供一、兩期啫，我都會同中銀聯絡吓，了解吓先。」
對於時裝店未見開門營業，馬偉明說：「一向冇開舖，已經丟空咗，有時開嚟賣吓季尾貨。」
案件編號：HCMP294/2004