鄭中基（Ronald）去年事業大躍進，在電影圈奠定笑匠地位，今年為歌唱事業瞓身出擊，準備於十月舉行首次個人紅館演唱會。
Ronald日前接受訪問時說：「今年預計出兩張廣東碟同一張國語碟，十月就開演唱會，𠵱家已經開始籌備，多啲時間準備可以做好啲嘛。」
問Ronald演唱會會否加入搞笑元素，他說：「好多嘢都重喺構思階段，其實演唱會梗係以音樂為主，所以我都唔想請嘉賓唱歌，係都聽我唱啦，但係我可能會加啲電影嘢入去做其中一個小環節，如果有嘉賓都係請嚟做戲。」
Ronald透露過年前為鼻敏感做了小手術，欲以最好聲音錄新碟，他說：「我鼻敏感又成日流鼻血，醫生同我用激光割薄啲鼻黏膜，傷風時冇咁嚴重，抖氣都舒服啲，唱歌亦順好多。」