黃子華和蔡少芬（Ada）昨日在尖沙嘴一茶餐廳內拍攝無綫劇集《棟篤神探》，因為要遷就Ada到外地拍電影和廣告，令她與子華由初四至今日每天都要開工，十分疲累。
過往Ada喜愛對男仔動粗的性格已收斂起來，她說：「因為𠵱家大個女，已經戒咗出手傷人，盡量會斯文啲。」雖然Ada已收起男仔頭性格，卻未因此而與子華傳緋聞，但子華竟公開表示曾邀約Ada，但最終失敗，他笑說：「冇同佢傳緋聞都可惜㗎，有次約過Ada喺酒店樓下等，佢冇應約，我重多次同佢示愛㖭，Ada份人好神秘㗎，收工後五秒鐘就唔見人。」
此外，Ada今日會往廣州拍攝便服廣告，內地正爆發禽流感及沙士疫潮，Ada表示不會懼怕，但會做足預防措施，戴上口罩及使用消毒藥水。
採訪：卓寶花
攝影：陳慧安