遊飛機河減壓　奢侈
千嬅宜遲婚笑住等鄭中基

楊千嬅去年事業可謂大豐收，在影壇站穩一線搞笑女星地位，但她與鄭中基的戀情卻波折重重，雖然有傳二人已經舊情復熾，鄭中基更曾公開承認有意與千嬅復合，但千嬅卻表示連自己亦沒弄清二人狀況。

感情篇：「因為佢了解我」
每次提起楊千嬅的感情生活，似乎總離不開鄭中基。早年鄭中基被指力追張栢芝而與千嬅分手，去年二人數度被傳舊情復熾，鄭中基曾公開承認有意與千嬅復合，二人去年更一起度情人節。

交談易有共鳴
究竟千嬅和緋聞多多的鄭中基現在是甚麼關係呢？千嬅自己也弄不清，她說：「佢咪係我識咗六年嘅好朋友囉！我𠵱家真係唔想迫自己去決定任何嘢，我唔知𠵱家乜狀況，亦唔想去面對呢個問題。
「可能再過幾年，冇其他對象，我同佢又走番埋一齊都唔奇，因為世事好難預料，但呢一刻我重未搵到一個令我有信心嫁畀佢嘅男人出現。我覺得自己到咗適婚年紀，所以我都擔心自己嘅姻緣，但相士話我要遲婚，早婚就必定離婚收場，所以我惟有慢慢等緣份到。」
雖然千嬅現階段不會視鄭中基為終身伴侶，但二人還是交心的好友，她說：「可能因為佢又了解我，我又了解佢，所以佢間中會打電話同我傾偈，而我有事要問人意見，亦會諗起佢，可能大家都喺呢行，同佢傾容易有共鳴，過年我哋都有通電話，互相講好意頭嘅說話，我同佢依然係互相關心嘅好朋友。」

緋聞不絕於耳
憑電影《龍咁威2003》火速成為新一代笑匠的鄭中基，卻不時與其他異性扯上關係，繼張栢芝後，他又被傳與CATgirl唱K，其後因與Cookies成員Stephy合作拍攝電影《龍咁威2003》而一度傳出緋聞，去年鄭中基更被發現與黃泆潼在酒店把酒言歡，但無可否認，他與千嬅的緣份一直未盡。