剛在港推出不久嘅全新萬事得Mazda3，喺「2004年加拿大最佳汽車選舉」中，力壓其他同級對手，勇奪「最佳跑房車（35,000加元以下級別）」及「最具經濟效益汽車」大獎。
呢次「2004年加拿大最佳汽車選舉」，係由加拿大專業車評人協會（AJAC）主辦，為數58部於2003年推出嘅新車，經由多位AJAC專業評審員進行四日嘅測試，包括測試車輛嘅起步加速及制動表現等等，並反覆進行四次測試，才選出各組別嘅最佳汽車；另外，根據過往嘅車主意見調查紀錄，約有70%嘅當地車主均會按呢個選舉結果，作為佢哋買車嘅指引。
響「最佳跑房車」組別上，Mazda3響外形設計、轉向、市場影響力等各方面均較同級車優勝，而新車更喺制動表現測試方面，造出最短距離嘅成績；至於喺「最具經濟效益汽車」組別上，Mazda3響多個比較範疇（如外形、車廂設備等等）上，亦比對手來得優勝。另外，Mazda6及RX-8亦於今次選舉中，分別取得「最佳家庭房車」及「最佳跑車」榮銜呢！