韋啟良（阿良）是音樂人，負責過多部電影的配樂，較近期的有《雙雄》、《豪情》等，他因為工作繁忙，經常要留在Studio至通宵達旦，為了增加輕鬆氣氛，養了兩隻貓做調劑。每隻貓都有自己的性格，阿良的兩隻也不例外，一隻叫「加菲」，貓如其名為咗食做「狗」都願意；另一隻叫「麥嘜」，累累贅贅成隻豬咁，令阿良無論幾忙，有呢兩隻活寶貝在旁就永無悶場。
記者：張一豪
攝影：陳盛臣
貓比較有性格，你專登叫牠們，牠們未必聽你支笛，但你唔理牠們，牠們做出來的行徑，有時會令你好開心。特別係我做音樂的，Studio經常會發出古怪聲響，因為牠們對聲音特別敏感，所以一有機會，牠們便會偷偷『竄』入來睇我做甚麼。」而每當阿良隨手拿結他彈奏時，牠們大多會立刻放下做着的事情，然後「埋位」作小聽眾，令阿良好像尋到知音一樣，大有做Life搵聽眾的感覺。
別看加菲「肥屍大隻」，原來兩年多前，牠是愛護動物協會的住客，本來應是由人飼養的，但遭人遺棄，幸好有好心人將牠送到愛護動物協會，剛好阿良想找一隻貓飼養，於是就收養了牠。
「『加菲』貓如其名，第一眼給人看上去的感覺就如漫畫中的『加菲』一樣，而且不只是外表，就連性格都是又懶又貪吃，所以我就同佢起呢個名。
「最近加菲經常『貓刮咁嘈』，原因唔係叫春，而係牠正在節食，所以經常嗌肚餓。牠食量驚人，以前我試過三餐混埋一餐，牠就當一餐食晒，於是我惟有盡量控制每餐份量。最近我才發現原來加菲食太多罐頭而令牙齒也壞掉，於是醫生建議我餵牠食乾糧，要戒罐頭。
「不過因為牠真係好為食，最初點都唔食乾糧，但因為太餓，終於死死氣連乾糧都食晒。最好笑係牠現在為了要食罐頭，甘願變成一隻狗，可以叫佢Sit就Sit，Stay就Stay。總之平時懶得像豬，一聞到食物香味，就會特別爬起身『搵食』，如果教識佢打電話，說不定分分鐘自己會『落柯打』叫Pizza。」看着撲上飯枱的加菲，阿良無奈地說。
阿良覺得，養貓不同養狗，狗比較聽話，貓就比較有自己的性格，但估唔到加菲會為食變成一隻聽話貓。
「不過因為牠真係好為食，最初點都唔食乾糧，但因為太餓，終於死死氣連乾糧都食晒。最好笑係牠現在為了要食罐頭，甘願變成一隻狗，可以叫佢Sit就Sit，Stay就Stay。總之平時懶得像豬，一聞到食物香味，就會特別爬起身『搵食』，如果教識佢打電話，說不定分分鐘自己會『落柯打』叫Pizza。」看着撲上飯枱的加菲，阿良無奈地說。
阿良覺得，養貓不同養狗，狗比較聽話，貓就比較有自己的性格，但估唔到加菲會為食變成一隻聽話貓。
此外，加菲有個好朋友「麥嘜」，也是由愛護動物協會領養回來，跟加菲相比，牠比較細膽，而且可能是女的關係，比較淡定，但就很情緒化，前一分鐘跟加菲還好好的，下一分鐘就會追打加菲，有時會令加菲手足無措。
而麥嘜最有趣的地方，是原來牠有遠視的，一跑得快的時候，就會撞牆，因為牠是看不清楚近景，分不到近距離的事物，於是撞傷碰瘀是經常事，有時令到阿良哭笑不得。
麥嘜平時跟加菲好鬼Friend，但萬一思覺失調起上來，就會無面畀見加菲就打。
性格：性情溫馴、聰明、愛玩、可與小孩及其他動物共處
品種歷史：可追溯至古羅馬時期的家貓
特點：體形大，絕育後容易過胖、成長時間較長
體形：成年貓可達十五磅或以上