謝霆鋒和陳冠希前晚拍攝電影《新紮師兄》一場警匪槍戰場面，現場要封路之餘，更有十多名真警察維持秩序，導演王晶透露在戲中霆鋒有不少飛車場面，但只是以替身代替，不會要已被停牌的霆鋒親身上陣。
謝霆鋒、陳冠希、周永恆以及內地演員胡安，前晚在觀塘勵業街熟食中心拍攝電影《新紮師兄》，劇情講述眾人在打邊爐時，遇上警匪追逐和駁火，陳冠希、謝霆鋒和周永恆等人即時反枱加入槍戰行列，現場有十多名真警察在場監場，而由於拍攝時要封路，所以有警察在場幫手維持秩序。
霆鋒和陳冠希老友鬼鬼堅持一齊做訪問，霆鋒在戲中做杰佬，即以往電視劇時梁朝偉的角色，陳冠希則扮演劉青雲所飾演的弗佬，鍾欣桐飾演張曼玉的穎芝，周永恆就扮演呂方的高佬泉角色。問兩人可有觀摩梁朝偉和劉青雲主演的同名電視劇，他們均說：「王晶唔想我哋做得同以前一樣，只係攞電視劇個名，劇本都唔同。」至於可有信心青出於藍，他們表示不會想太多，只會做好本份。
問霆鋒可有睇近日現代美容老闆娘Joyce和梅艷芳生前經理人Marianne的新聞，霆鋒第一個反應是：「賣衫嗰間Joyce呀？」而身邊的助手亦阻止記者發問，表示只會答有關電影的問題。再問霆鋒日前是否和Marianne食飯，Marianne是否有隱瞞阿梅的病情，站在一旁的陳冠希說：「乜喺戲入面有個角色叫Marianne咩？」而霆鋒則說：「我係唔會答嘅。」
王晶透露戲中霆鋒有不少飛車場面，但不會讓他親身上陣，王晶稱原因是「我唔鍾意」，而霆鋒則說：「聽過有呢啲劇情，不過飛車好似唔係我，係匪徒飛車啫。」霆鋒又表示有一場戲要他孭住十幾噸的石頭被吊起的場面，但未知會否又用替身。
採訪：李珮洳
