前排旺角蒲友開始改變使用通訊器材習慣，人人手戴一隻對講機手表FreeTalker代替手電，連電話費都慳番。可惜呢啲只屬潮流玩意，興一陣就無晒聲氣，但最近又似乎有復興迹象，明查暗訪下發現原來有表舖將表價降低，平時賣到四百幾，家陣$180有售，同場重有瑞士老字號羅馬表低於五折，無論你係新人類定係實際之人，梗有一款啱心水。
記者：黃婉冰
攝影：蔡鴻雯
ImageGirl：CherryKwonk
MakeUp：CherryChu
Hair：Nini（DreamDestination）
特價$180 原價$440
前排橫行旺角，潮極一時嘅對講機手表，接收範圍可以去到2.5公里，37樓到地面一樣接收得到，採用電訊管理局認可嘅409頻道，可以玩得放心，表身裝有小型喇叭，可調校大細聲外重有埋Handfree同叉電器，二百蚊有找，買隻玩吓都抵。
有百多年歷史嘅老牌子羅馬表，全部瑞士製造，分Classic、Sport兩條Line，而今次減價就以SportLine嘅POWER8為主，而每隻表都會附有保用證一張，有國際保養一年，話說以前打世界大戰連英軍都戴，表肉可抗低溫，即使去到莫斯科，在冰天雪地下依然運行如常。
特價$880 原價$1,950
表款斯文，但功能同一般運動表無異，有日曆窗、行針顯示星期、小秒針、50米防水同計時秒針，配上鑽石型數字顯示，表面絕不比貴價表遜色，三種顏色任揀，鍾意點襯都得。
特價$680 原價$1,450
雖然係老牌子，但唔代表款式依然停留於阿爺年代，好似呢兩隻就擺明係玩撞色，顏色Sharp得嚟唔會突兀，有日曆窗、100米防水、計時秒針兩種功能，表面同數字亦比其他款式大，襯上磨砂鋼帶，絕無「土」味。
特價$498 原價$1,080
經常要四圍飛，最好買番一隻可以同時顯示兩地時間嘅手表，好似呢隻就集合咗行針同電子跳字兩個模式，可同時顯示兩個不同時區，同時兼備響鬧、計時、日曆同100米防水，功能都算多。
（前）特價$580原價$1,080
（後）特價$398原價$880
特別向潛水愛好者推介呢款潛水表，其內置式潛水計時圈可以避免在活動時有走位的情況出現，內置式同樣方便易調校，200米防水兼備響鬧、日曆、螢光指針，黑色鋼帶款較硬朗。
（左）特價$780原價$1,580
（右）特價$845原價$1,690
鍾意玩潛水又唔需要用到太Pro嘅潛水表，呢隻平平哋一千蚊樓下都唔錯，有100米防水、計時秒針、日期、響鬧，鋼帶、膠帶、黑、白表面兩款選擇，兩種風格截然不同。
特價$1,000/對 原價$1,130/隻
情人節雖然未到，但揀定對情侶表都差唔多，簡約款式加上磨砂鋼帶，運動系列中以這款最斯文，男女都啱，有螢光指針及日曆窗顯示，價錢經濟又耐用。
特價$250 原價$650
玩味較重嘅Citizen膠表，三角形表面已經夠煞食，最特別係時同分要分開睇，上面數字顯示時，下面指針顯示分，純粹玩吓嘢，另有其他顏色，男女都啱。
特價$180 原價$480
鍾情於電子表，可以考慮呢款由CaterPiller出產嘅跳字表，雖然話Cat出開WorkShoes，但出表一樣掂，流線型表身加上兩色配搭，款式時尚，有雙重響鬧、兩地時間顯示、計時、日曆，夜光，有齊晒基本功能，二百蚊有找，抵玩。
特價$500/對 原價$398/隻
對老一輩嚟講，運動表可能唔啱feel，咁款式較斯文同傳統嘅樂琴表如何？同樣瑞士製造，鋼帶以磨砂及光面兩色配襯，大方得體唔會失禮。
特價$298 原價$560
三針設計加上黑色表面，外形硬朗得來又夠斯文，行針指示星期、日曆、二十四小時顯示兼備，有防水功能，二百零蚊，買隻襯衫都抵。
店舖資料
店名：IN-WATCH
電話：23889963
地址：旺角彌敦道582-592號信和中心地下36號舖
營業時間：上午12時至下午10時