郭富城昨日以女童軍國際親善大使身份到尖沙嘴出席「女童軍八十八周年名人慈善競技2004」，提到早前拍攝音樂特輯時，城城對女主角曹敏莉管接管送，有傳他正力追女方，城城對此說：「咁犀利？我自己只係專心工作，做嘢唔係為咗識女仔，宣傳啫。」
問到曹敏莉是否其理想對象？城城說：「係㗎，佢有良好教育，又係香港小姐，唔係我嗰陣做港姐評判都唔會選佢啦。其實我同佢合作過幾次，但就唔熟，佢係好有家庭溫暖嘅人，佢爸爸成日接佢放工，我同佢拍過一場婚紗戲，佢好靚又好有天份。」
提到曹敏莉昨日在無綫團拜時走光，城城心疼地說：「你哋唔提醒佢？唔好特登去登走光相啦，佢都係照顧六叔啫，證明佢細心嘛。」
採訪、攝影：王崇穎