藍潔瑛日前因精神問題入住東區醫院，昨日已是住院第四天，米雪與一女性友人及菲傭昨日前往探望藍潔瑛。
米雪表示三年前與藍潔瑛拍劇後間中有見面，她昨日說：「佢情況好好，我哋乜嘢都傾，傾得好開心，重嘈住隔籬啲人。我代你哋問候佢，佢都笑笑口講多謝。」
而張堅庭昨日在無綫將軍澳電視廣播城錄影節目《向男講向女講》時表示，有留意藍潔瑛患病的報道，他說：「我同太太都好想約佢出嚟傾偈，𠵱家佢好需要人關心，擔心佢會做儍事。其實佢唔適合再拍自殺戲，上次套劇（《愛在有情天》）拍佢吊頸，可能好影響佢情緒，佢咁靚女唔愁冇戲拍。」
張堅庭早前更曾聯絡羅冠蘭，希望為藝人設立心理質素訓練班，他說：「教藝人點去面對同處理突然嘅成功同失敗，好似張國榮咁成功，都解決唔到自己嘅情緒問題。」
採訪、攝影：卓美娟、王連連