SONY為趕及上年聖誕黃金檔期而推出嘅PSX，因時間緊迫而臨時抽起多項機能，如降低一半DVD耎W嘅燒錄功能、唔對應TIFF相片格式及播放MP3音樂等，令好多期待買機嘅用家甚為不滿，雖然最後喺日本嘅銷量都唔錯，不過臨出街先降低機能，對銷量點都有影響。日前SONY為補救PSX嘅不完善，宣布喺二月中推出一隻追加碟，免費派發畀之前買過PSX嘅用家。呢隻追加碟最大功用除咗清除舊有嘅Bug外，最正係令硬碟抄至DVD燒錄機嘅速度，由12×倍升至24×，而且正式支援靜態TIFF相片及MP3音樂，呢幾項追加功能令PSX更具號召力。
目前暫定以上更新點，不過要到2月5日才有官方正式發布，可能再有機能強化都未定，最可惜係到最後PSX仍然唔可以接收香港電視訊號，否則喺香港更受歡迎。要攞呢隻PSX追碟，日本用家打個電話登記就得，至於香港用家，不妨向購買商舖查詢。
記者：徐影龍
官方網站：