早幾日，亞Mark提過預期今年本地汽車業有復甦向好嘅走勢，並非空口講白話㗎！事關農曆年前後，除咗有唔少汽車代理商有推陳出新嘅汽車大計外，早輪亞Mark亦曾預期若歐元及日圓會不斷攀升的話，本地零售車價會有調升嘅壓力，果然不出所料，大家就真係要好好留意住，要買車就真係趁早喇！
再者，本地車市亦續有人事變動，但看來係向好嘅迹象噃！早前因代理權變動關係，原任法國標致代理SalesManager一職嘅JamesCheung，自從脫離咗舊公司之後，佢剛剛為福方集團所賞識，繼任德國歐寶汽車嘅SalesManager；過往數年標致業績有勁升紀錄，而James亦可謂功不可沒。近期，亞Mark聽聞歐寶代理會有多款新車陸續登場，今勻就真係睇吓James嘅功力，點樣推動旗下汽車嘅銷量喇！為要爭取曝光率同買家嘅認同，嚟緊歐寶重會開設新Showroom㖭！至於話響邊處？暫且等亞Mark賣個關子，遲吓落實再同大家講啦！